![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ. എസ്
കൊവിഡ് അണ്‍ലോക്ക് അഞ്ചാം ഘട്ട മാര്‍ഗനിര്‍ദേശങ്ങള്‍ കേന്ദ്ര സര്‍ക്കാര്‍ പുറപ്പെടുവിച്ചു. തിയറ്ററുകളും മള്‍ട്ടിപ്ലക്‌സുകളും പാര്‍ക്കുകളും ഉപാധികളോടെ തുറക്കാം. കൂടാതെ സ്കൂളുകളും കോളജുകളും ഒക്ടോബര്‍ 15 മുതല്‍ തുറക്കാന്‍ അനുവദിക്കുമെന്നും കേന്ദ്രം അറിയിച്ചു.
സ്കൂളുകളില്‍ ഹാജരാകാന്‍ വിദ്യാര്‍ഥികളെ നിര്‍ബന്ധിക്കാന്‍ പാടില്ല. വിദ്യാര്‍ഥികളെ പ്രവേശിപ്പിക്കാന്‍ രക്ഷിതാക്കളുടെ സമ്മതപത്രം നിര്‍ബന്ധമാണെന്നും പുതിയ മാര്‍ഗനിര്‍ദേശത്തില്‍ പറയുന്നു.സിനിമാ ഹാളുകള്‍, മള്‍ട്ടിപ്ലക്‌സുകള്‍, എക്‌സിബിഷന്‍ ഹാളുകള്‍, വിനോദ പാര്‍ക്കുകള്‍ എന്നിവയും തുറന്നുപ്രവര്‍ത്തിക്കാന്‍ അനുവദിക്കും. അടച്ചിട്ട ഹാളുകളില്‍ 200 പേര്‍ വീതം അനുവദിക്കും. തുറന്ന ഹാളുകളില്‍ കൂടുതല്‍ പേര്‍ക്ക് അനുമതി നല്‍കും.’
ഉന്നത വിദ്യാഭ്യാസ സ്ഥാപനങ്ങള്‍, കോളജുകള്‍ എന്നിവ തുറക്കുമ്ബോള്‍ വിദൂര വിദ്യാഭ്യാസത്തിനും ഓണ്‍ലൈന്‍ വിദ്യാഭ്യാസത്തിനും അവസരം നല്‍കണം. സയന്‍സ് വിഷയത്തിലെ ഉന്നത പഠനത്തിന് ലാബ് സൗകര്യം ലഭ്യമാക്കുനും അവസരം നല്‍കണം. കേന്ദ്ര സര്‍വകലാശാലകളില്‍ വിസിമാരും മറ്റ് സ്ഥാപനങ്ങളില്‍ ലാബ് സൗകര്യം ഒഴികെയുള്ള കാര്യത്തില്‍ സംസ്ഥാന സര്‍ക്കാരും ആയിരിക്കും തീരുമാനമെടുക്കുക.
