![“Manju”](https://santhigirinews.org/wp-content/uploads/2020/04/YOUTUBE.jpg")
അഹമ്മദാബാദ് : മോഹൻലാൽ നായകനായ ദൃശ്യം സിനിമയുടെ മോഡലിൽ വിവിധ കൊലപാതകങ്ങൾ റിപ്പോർട്ട് ചെയ്യപ്പെട്ടിട്ടുണ്ട് . എന്നാൽ ഇപ്പോൾ ദൃശ്യം സിനിമയുമായി ഏറ്റവും അടുത്ത് നിൽക്കുന്ന സംഭവമാണ് ഗുജറാത്തിലെ സൂറത്തിൽ നിന്ന് റിപ്പോർട്ട് ചെയ്തിരിക്കുന്നത്.
സൂറത്തിലെ ഖത്തോദര പോലീസ് സ്റ്റേഷനിൽ നിന്ന് വർഷങ്ങൾ പഴക്കമുള്ള അസ്ഥികൂടം കണ്ടെത്തി . സ്റ്റേഷൻ വൃത്തിയാക്കുന്നതിനിടെയാണ് അസ്ഥികൂടം കണ്ടെത്തിയത്. രണ്ട് വർഷമായി സ്റ്റേഷനിലുള്ള വാഹനങ്ങൾ നീക്കാൻ അധികൃതർ തീരുമാനിച്ചിരുന്നു. ഇതിനായി ക്രെയിനെത്തിച്ചിരുന്നു. ഇത് ഉപയോഗിച്ച് വാഹനങ്ങൾ നീക്കുന്നതിനിടെയാണ് അസ്ഥികൂടം കണ്ടത്.
നാല് വർഷമെങ്കിലും പഴക്കമുള്ളതാണ് അസ്ഥികൂടമെന്നാണ് വിലയിരുത്തൽ. ഫോറൻസിക് പരിശോധനയിൽ മാത്രമേ കൂടുതൽ കാര്യങ്ങൾ അറിയാനാകൂവെന്നും പോലീസ് പറഞ്ഞു .
