ശ്രീജ.എസ്
കൊച്ചി : കോവിഡ് പ്രതിരോധന പ്രവര്ത്തനത്തില് ആഗോള മാതൃക സൃഷ്ടിച്ച കേരളത്തിന്റെ ആരോഗ്യപരിപാലന സംവിധാനം സംസ്ഥാനത്തെ മെഡിക്കല് ടൂറിസത്തിന് അനന്ത സാധ്യതകളാണ് പ്രദാനം ചെയ്യുന്നതെന്ന് ആരോഗ്യമന്ത്രി കെ.കെ. ശൈലജ പറഞ്ഞു . കോണ്ഫെഡറേഷന് ഓഫ് ഇന്ത്യന് ഇന്ഡസ്ട്രി (സിഐഐ) സംഘടിപ്പിച്ച വെര്ച്വല് പ്രദര്ശനം ഉദ്ഘാടനം ചെയ്യുകയായിരുന്നു മന്ത്രി .
കേരളത്തിന്റെ തനതു ചികിത്സാ രീതിയായ ആയുര്വേദം നിരവധി ടൂറിസ്റ്റുകളെ ആകര്ഷിക്കുന്നു . അത്യാധുനിക സൗകര്യങ്ങളുള്ള ചികിത്സാ സംവിധാനമാണ് കേരളത്തിന്റെ പ്രധാന കൈമുതല് . മറ്റ് ഏഷ്യന് രാജ്യങ്ങളുമായി താരതമ്യം ചെയ്യുമ്പോള് താരതമ്യേന കുറഞ്ഞ ചികിത്സാ ചെലവാണ് കേരളത്തില് ഉള്ളത് . ടൂറിസത്തില്നിന്നു സാധാരണക്കാരനും പ്രയോജനമുണ്ടാകണമെന്ന് മന്ത്രി കൂട്ടിച്ചേര്ത്തു .