KeralaLatestThiruvananthapuramThrissur
വീട്ടമ്മക്ക് ഫേസ്ബുക്ക് വഴി അശ്ലീല ചിത്രങ്ങള് അയച്ച യുവാവിനെ പോലീസ് അറസ്റ്റ് ചെയ്തു
സിന്ധുമോൾ. ആർ
ചേര്പ്പ്: നിരവധി തവണ വീട്ടമ്മക്ക് ഫേസ്ബുക്ക് വഴി അശ്ലീല ചിത്രങ്ങള് അയച്ച യുവാവിനെ ചേര്പ്പ് പൊലീസ് അറസ്റ്റ് ചെയ്തു. മാള പുത്തന്ചിറ ചൊമാട്ടില് വീട്ടില് അഭിനവ് (20) ആണ് അറസ്റ്റിലായത്. കഴിഞ്ഞ ജൂണിലാണ് വീട്ടമ്മക്ക് അശ്ലീല ചിത്രങ്ങള് അയച്ചത്. നിരവധി തവണ ഇത്തരം ചിത്രങ്ങള് അയക്കുന്നത് പതിവായപ്പോള് വിദേശത്തുള്ള ഭര്ത്താവിനെ വീട്ടമ്മ വിവരമറിയിക്കുകയായിരുന്നു. ഭര്ത്താവ് തൃശൂര് റൂറല് എസ്.പി.ക്ക് ഇ-മെയില് വഴി പരാതി കൊടുത്തു.
ഇതിനെതുടര്ന്ന് ചേര്പ്പ് പൊലീസ് ഇന്സ്പക്ടര് ടി.വി. ഷിബു സൈബര് സെല് സഹായത്തോടെ പ്രതിയെ രാവിലെ മാളയിലെ വീട്ടില്നിന്ന് അറസ്റ്റ് ചെയ്യുകയായിരുന്നു. അസി. സബ് ഇന്സ്പക്ടര് വിനോദ്, സീനിയര് സി.പി.ഒ ഭരതനുണ്ണി എന്നിവരും അന്വേഷണ സംഘത്തിലുണ്ടായിരുന്നു.