ഇന്ത്യന് താരം മന്സി ജോഷിക്ക് കോവിഡ്
സിന്ധുമോൾ. ആർ
മുംബൈ: ഇന്ത്യന് വനിതാ ക്രിക്കറ്റ് താരം മന്സി ജോഷിക്ക് കോവിഡ് 19 സ്ഥിരീകരിച്ചു. ഇതോടെ താരത്തിന് വിമന്സ് ട്വന്റി-20 ചലഞ്ച് ടൂര്ണമെന്റ് നഷ്ടമാകും. ഇന്ത്യന് മുന് നായകന് മിഥാലി രാജ് നയിക്കുന്ന വെലോസിറ്റി ടീമില് അംഗമാണ് മന്സി. കോവിഡ് സ്ഥിരീകരിച്ചതിനാല് ടീമിന്റെ മുംബൈയിലെ ക്യാമ്പിലേക്ക് താരം എത്തിയില്ല. മന്സിക്ക് പകരം പേസര് മേഘന സിംഗിനെ വെലോസിറ്റി ടീമിലെടുത്തു.
ഇന്ത്യയില് കോവിഡ് വ്യാപനം രൂക്ഷമായതിനാല് ഐപിഎല്ലിന് സമാനമായി യുഎഇയാണ് ഇത്തവണ വിമന്സ് ട്വന്റി-20 ചലഞ്ചിന് വേദിയാകുന്നത്. യുഎഇയിലേക്ക് പോകുന്നതിന് മുന്പ് വനിതാ താരങ്ങള് മുംബൈയില് ഒന്പത് ദിവസത്തെ ക്വാറന്റൈന് കാലാവധി പൂര്ത്തിയാക്കി കോവിഡ് പരിശോധനയ്ക്കും വിധേയരാകണമെന്നാണ് ചട്ടം. മൂന്ന് ടീമുകളാണ് വിമന്സ് ട്വന്റി-20 ചലഞ്ചില് പങ്കെടുക്കുന്നത്. നവംബര് നാലിന് തുടങ്ങുന്ന ടൂര്ണമെന്റിന്റെ ഫൈനല് ഒന്പതിനാണ്. ഗ്രൂപ്പ് ഘട്ടത്തിലെ ഒന്നും രണ്ടും സ്ഥാനക്കാര് ഫൈനലില് മാറ്റുരയ്ക്കും.