ക്രിക്കറ്റ്, ഒരു പാക് താരത്തിനും കൂടി കോവിഡ്
സിന്ധുമോൾ. ആർ
വെല്ലിംഗ്ടണ്: ട്വന്റി-20, ടെസ്റ്റ് സീരിസിനായി ന്യൂസിലന്ഡിലെത്തിയ പാക്കിസ്ഥാന് ക്രിക്കറ്റ് ടീമിലെ ഒരു താരത്തിന് കൂടി കോവിഡ്-19 പോസിറ്റീവായി. ന്യൂസിലന്ഡ് ആരോഗ്യ മന്ത്രാലയമാണ് ഇക്കാര്യം വെളിപ്പെടുത്തിയത്. ഇതോടെ ന്യൂസിലന്ഡിലെത്തി കോവിഡ് സ്ഥിരീകരിക്കുന്ന പാക് ക്രിക്കറ്റ് താരങ്ങളുടെ ഏഴായി.
പാക്കിസ്ഥാന് ക്രിക്കറ്റ് ടീം അംഗങ്ങള്, സ്റ്റാഫ് തുടങ്ങി 53 അംഗ സംഘമാണ് ന്യൂസിലന്ഡില് നവംബര് 24ന് എത്തിയത്. അന്നു തന്നെ ശേഖരിച്ച സ്രവങ്ങളുടെ പരിശോധനാഫലമാണ് ന്യൂസിലാന്ഡ് വ്യാഴാഴ്ച പുറത്തുവിട്ടപ്പോഴാണ് ആറ് പാക് താരങ്ങള്ക്ക് രോഗം സ്ഥിരീകരിച്ചത്. ഇവര് 14 ദിവസത്തെ ക്വാറന്റീനിലാണ്. മറ്റു ടീം അംഗങ്ങളും അവരുടെ താമസ സ്ഥലത്തിന്റെ പരിസരത്തു മാത്രമായി ഒതുങ്ങണം. സാമൂഹിക ഇടപെടല് അനുവദിക്കില്ല.
ഡിസംബര്, ജനുവരി മാസങ്ങളിലായി മൂന്ന് ട്വന്റി-20 മത്സരങ്ങളും രണ്ട് ടെസ്റ്റുമാണ് ഷെഡ്യൂള് ചെയ്തിരുന്നത്. ആദ്യ ട്വന്റി-20 മത്സരം ഡിസംബര് 18ന് നടക്കേണ്ടിയിരുന്നതാണ്. പാക് ടീമിലെ ഒരാള്ക്ക് കൂടി കോവിഡ് സ്ഥിരീകരിച്ചതോടെ മത്സരങ്ങള് നടക്കുമോയെന്ന കാര്യം അനിശ്ചിതത്വത്തിലായി.