സിന്ധുമോൾ. ആർ
ലക്നൌ: രക്ഷാപ്രവര്ത്തനങ്ങള് വിഫലമായി. യുപിയിലെ നിവാരയില് കുഴല്ക്കിണറില് കുടുങ്ങിയ നാലുവയസുകാരന് മരണത്തിന് കിഴടങ്ങി. 18 മണിക്കൂര് നീണ്ട രക്ഷാപ്രവര്ത്തനത്തിനു ശേഷം പുറത്തെടുത്തെങ്കിലും കുട്ടിയെ രക്ഷിക്കാനായില്ല.
ബാബു എന്നു വിളിക്കുന്ന ധനേന്ദ്രയാണ് കഴിഞ്ഞ ബുധനാഴ്ച ഉച്ചകഴിഞ്ഞ് 2.30ന് കളിച്ചുകൊണ്ടിരിക്കെ മൂടിയില്ലാത്ത കിണറില് വീണത്. ഈസമയം മാതാപിതാക്കള് പാടത്തായിരുന്നു. കുട്ടി വീഴുമ്പോള് കിണറില് 25 അടി വരെ വെള്ളമുണ്ടായിരുന്നു.ഇന്നലെ രാത്രി ദേശീയ ദുരന്ത പ്രതികരണ സേനയുടെയും സംസ്ഥാന ദുരന്ത പ്രതികരണ സേനയുടെയും ടീമുകള് സംയുകതമായി നടത്തിയ രക്ഷാപ്രവര്ത്തനത്തിലാണ് കുട്ടിയെ പുറത്തെടുക്കാനായത്.