യുഎന് ഉപദേശക ഗ്രൂപ്പില് അര്ച്ചന സോരംഗിനെ നിയമിച്ചു
ശ്രീജ.എസ്
ബംഗളൂരു: ഒഡീഷയിലെ ആദിവാസി വിഭാഗക്കാരിയായ അര്ച്ചന സോരംഗിനെ കാലാവസ്ഥാ വ്യതിയാനം സംബന്ധിച്ച യുഎന് യൂത്ത് ഉപദേശക ഗ്രൂപ്പില് നിയമിച്ചു. 18നും 28നും ഇടയില് പ്രായമുള്ള ഏഴു യുവ നേതാക്കളെയാണ് യുഎന് ഉപദേശകസമിതിയില് നിയമിച്ചത്.
നിസ്രീന് ഇല്സയിം(സുഡാന്), ഏണസ്റ്റ് ഗിബ്സണ്(ഫിജി), ലദിസ്ലാവ് കയിം(മൊള്ഡോവ), സോഫിയ കിയാനി(യുഎസ്) എന്നിവരാണു യൂത്ത് ഉപദേശക ഗ്രൂപ്പിലെ മറ്റ് അംഗങ്ങള്. ഖാദിയ വിഭാഗത്തില്പ്പെട്ട അര്ച്ചന സോരംഗ് സുന്ദര്ഗഡ് ജില്ലയിലാണു ജനിച്ചത്. മുംബൈയിലെ ടാറ്റാ ഇന്സ്റ്റിറ്റ്യൂട്ട് ഓഫ് സോഷ്യല് സയന്സസില്നിന്നു റെഗുലേറ്ററി ഗവേണന്സില് മാസ്റ്റര് ബിരുദം നേടിയ അര്ച്ചന ഒഡീഷയിലെ വസുന്ധരയില് റിസര്ച്ച് ഓഫീസറായി പ്രവര്ത്തിച്ചുവരികയാണ്.