LatestThiruvananthapuram
കാട്ടുപന്നിയിടിച്ച് സ്കൂട്ടര് യാത്രക്കാരന് പരിക്കേറ്റു
വിതുര: കാട്ടുപന്നിയിടിച്ച് സ്കൂട്ടര് യാത്രക്കാരന് പരിക്കേറ്റു. ആനപ്പാറ ചെറുമണലി ആറ്റരികത്ത് വീട്ടില് ജയകുമാറാ(61)ആണ് പരിക്കേറ്റത്.
കഴിഞ്ഞ ദിവസം രാത്രി ചിറ്റാറിന് സമീപത്തു വച്ചായിരുന്നു അപകടം. ബന്ധുവിന്റെ വിവാഹത്തിന് തമിഴ്നാട്ടില് പോയി സ്കൂട്ടറില് മടങ്ങി വരുകയായിരുന്നു ജയകുമാര്.
യാത്രയ്ക്കിടെ റോഡിലേക്ക് ഓടിയിറങ്ങിയ പന്നിക്കൂട്ടം സ്കൂട്ടറില് ഇടിക്കുകയായിരുന്നു. മൂക്കിനും ഇടതു കണ്ണിനും പരിക്കേറ്റ ജയകുമാര് മെഡിക്കല് കോളജ് ആശുപത്രിയില് ചികിത്സയിലാണ്.