കൊച്ചി: കൊച്ചി പറവൂര് തത്തപ്പള്ളിയിലെ അന്ന പ്ലാസ്റ്റിക് കമ്പനി ഗോഡൌണില് വന് തീപ്പിടുത്തം. പറവൂര് തത്തപ്പള്ളിയില് സര്ക്കാര് ഹൈസ്കൂളിനു സമീപം പ്രവര്ത്തിക്കുന്ന അന്ന പ്ലാസ്റ്റിക് കമ്പനി ഗോഡൗണിലാണു തീപിടിത്തമുണ്ടായത്.
പഴയ പ്ലാസ്റ്റിക് എത്തിച്ചു പുനര്നിര്മിക്കുന്ന കമ്പനിയുടെ കെട്ടിടത്തിലാണു തീപിടിത്തമുണ്ടായത്. കെട്ടിടത്തില് വെല്ഡിംഗ് ജോലികളും നടക്കുന്നുണ്ടായിരുന്നു. വെല്ഡിംഗ് ജോലികള്ക്കിടെ തീപ്പൊരി പടര്ന്നതാണു തീ പിടുത്തത്തിനു കാരണമെന്നാണു പ്രാഥമിക നിഗമനം. കെട്ടിടം പൂര്ണമായും കത്തിനശിച്ചു.
12 വര്ഷമായി പ്രവര്ത്തിക്കുന്ന കമ്ബനി പറവൂര് സ്വദേശി ലൈജുവിന്റേതാണ്. ഞായറാഴ്ചയായതിനാല് കമ്പനിയില് തൊഴിലാളികളുണ്ടായിരുന്നില്ല.