സിന്ധുമോൾ. ആർ
ന്യൂഡല്ഹി: ജനുവരി ഒന്നു മുതല് വാഹനങ്ങള്ക്ക് ഫാസ്ടാഗുകള് നിര്ബന്ധമാണെന്ന് കേന്ദ്ര ഗതാഗത മന്ത്രി നിതിന് ഗഡ്കരി അറിയിച്ചു. വ്യാഴാഴ്ച ഒരു ഓണ്ലൈന് പരിപാടിയില് സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്. പണമടക്കാനായി ടോള് പ്ലാസകളില് നിര്ത്തേണ്ടതില്ലാത്തതിനാല് സമയവും ഇന്ധനവും ലാഭിക്കാന് ഇത് സഹായകമാകുമെന്നും അദ്ദേഹം പറഞ്ഞു.
ഇതോടെ 2017 ഡിസംബര് ഒന്നിനു മുമ്പ് നിരത്തിലിറങ്ങിയ വാഹനങ്ങള് മുഴുവന് ഫാസ്ടാഗ് പതിക്കണം. അതിന് ശേഷമുള്ളവക്ക് ഡീലര്മാര്തന്നെ ഫാസ് ടാഗുകള് നല്കിയിട്ടുണ്ട്. ട്രാന്സ്പോര്ട്ട് വാഹനങ്ങളുടെ ഫിറ്റ്നസ് സര്ട്ടിഫിക്കറ്റ് പുതുക്കാനും ഇനി ഫാസ് ടാഗ് വേണം.