ശ്രീജ.എസ്
കോയമ്പത്തൂര് : കൈക്കൂലി വാങ്ങിയ സംഭവത്തില് ബില് കളക്ടറെയും സഹായിയെയും വിജിലന്സ് പിടികൂടി. കോര്പറേഷന് ബില് കളക്ടര് ഖൗസ് മൊയ്ദീന് (45), സഹായി ധനപാല് എന്നിവരാണ് സുന്ദരാപുരം സെന്തില്കുമാറിന്റെ പരാതിയെ തുടര്ന്ന് അറസ്റ്റിലായത്. തന്റെ പുതിയ വീടിന് നികുതി അടയ്ക്കുന്നതിനായി കൗസ് മൊയ്ദീനെ സമീപിച്ച സെന്തില്കുമാറിനോട് മുപ്പതിനായിരം രൂപ കൈക്കൂലി ആവശ്യപ്പെടുകയായിരുന്നു.
ഇതേ തുടര്ന്ന് സെന്തില്കുമാര് വിജിലന്സില് പരാതി നല്കുകയും അധികൃതരുടെ നിര്ദ്ദേശപ്രകാരം പതിനെട്ടായിരം രൂപ സെന്തില്കുമാര് ബില് കളക്ടര്ക്ക് കൈമാറുകയും ചെയ്തു . ഈ സമയം മറഞ്ഞിരുന്ന അധികൃതര് ഖൗസ് മുഹമ്മദിനെയും സഹായി ധനപാലിനെയും തെളിവു സഹിതമാണ് പിടികൂടി അറസ്റ്റ് ചെയ്തു..