ആധാര്‍ കാര്‍ഡിലെയും പാന്‍ കാര്‍ഡിലെയും പേരുകളിലെ അക്ഷരത്തെറ്റ് തിരുത്താം

തിരുവനന്തപുരം: ബാങ്ക് അക്കൗണ്ട് തുറക്കുന്നത് മുതല്‍ പല ധനകാര്യ ഇടപാടുകള്‍ക്കും വളരെ പ്രധാനപ്പെട്ടതാണ് ആധാര്‍ കാര്‍ഡും പാന്‍ കാര്‍ഡും. അതിനാല്‍ തന്നെ ഇവ രണ്ടിലെയും അക്ഷര തെറ്റ് മാറ്റേണ്ടത് വളരെ അത്യാവശ്യമാണ്. ആധാര്‍ കാര്‍ഡിലും പാന്‍ കാര്‍ഡിലും നിങ്ങളുടെ പേര് ശരിയാക്കുന്നതിനുള്ള ലളിതമായ നടപടിക്രമങ്ങള്‍ ഇതാ.
ആധാര്‍ കാര്‍ഡില്‍ നിങ്ങളുടെ പേര് ശരി‌യാക്കാന്‍ ആധാര്‍ എന്‍റോള്‍മെന്റ് സെന്റര്‍ സന്ദര്‍ശിക്കുക. ശേഷം ആവശ്യമായ ഫോം പൂരിപ്പിക്കുക. ഫോമില്‍ ശരിയായ വിവരങ്ങള്‍ നല്‍കുക. ഈ ഫോമിനൊപ്പം അറ്റാച്ചുചെയ്യേണ്ട ശരിയായ പേരും ശരിയായ അക്ഷരവും ഉള്ള രേഖകള്‍ സമര്‍പ്പിക്കുക. വിവരങ്ങള്‍‌ അപ്‌ഡേറ്റു ചെയ്യുന്നതിന് 25-30 രൂപ വരെ പണമടയ്‌ക്കണം. സ്ഥലത്തിനും കേന്ദ്രത്തിനും അനുസരിച്ച്‌ തുക വ്യത്യാസപ്പെടാം. ഇങ്ങനെ ആധാറിലെ പേര് ശരിയാക്കാം.
പാന്‍ കാര്‍ഡില്‍ നിങ്ങളുടെ പേര് ശരിയാക്കാന്‍- നാഷണല്‍ സെക്യൂരിറ്റീസ് ഡിപോസിറ്ററി ലിമിറ്റഡ് വെബ്സൈറ്റ് സന്ദര്‍ശിക്കുക ‘Correction in Existing PAN’ ഓപ്ഷന്‍ തിരഞ്ഞെടുക്കുക ശേഷം ശരിയായ പേരുള്ള രേഖ സമര്‍പ്പിക്കുക. Submit ഓപ്ഷനില്‍ ക്ലിക്കുചെയ്യുക. അപ്ഡേറ്റ് ചെയ്ത പാന്‍ കാര്‍ഡ് അപേക്ഷിച്ച ദിവസം മുതല്‍ 45 ദിവസത്തിനുള്ളില്‍ രജിസ്റ്റര്‍ ചെയ്ത വിലാസത്തിലേക്ക് അയയ്ക്കും.