![“Manju”](https://santhigirinews.org/wp-content/uploads/2020/04/YOUTUBE.jpg")
ബെർലിൻ: ജർമ്മൻ ലീഗിൽ കരുത്തരായ ഡോട്ട്മുണ്ട് തോൽക്കാതെ രക്ഷപെട്ടു. മെയിൻസി നെതിരെയാണ് ലീഗിലെ കരുത്തന്മാർ 1-1 ന് സമനിലകൊണ്ട് തൃപ്തിപ്പെടേണ്ടി വന്നത്. ആദ്യപകുതി ഗോൾരഹിതമായിരുന്നു. എന്നാൽ രണ്ടാം പകുതിയിൽ ലെവിൻ ഓസ്ടുനാലി മെയിൻസിനെ മുന്നിലെത്തിച്ചു. 73-ാം മിനിറ്റിൽ ഡോട്ടമുണ്ട് സമനില പിടിച്ചു. തോമസ് മ്യൂനിയറാണ് ഗോൾ നേടിയത്. ലീഗിൽ ഉദിനീസ നാലാം സ്ഥാനത്തും മെയിൻസ് 17-ാം സ്ഥാനത്തുമാണ്.
രണ്ടാം മത്സരത്തിൽ വെർഡർ അഗസ്ബർഗിനെ എതിരില്ലാത്ത രണ്ടു ഗോളുകൾക്ക് തോൽപ്പിച്ചു. കളിയുടെ അവസാന നിമിഷത്തിലാണ് രണ്ടു ഗോളുകളും വീണത്. തിയോഡോർ ഗേരബ സെല്ലാസി 84-ാം മിനിറ്റിൽ ആദ്യ ഗോൾ നേടിയപ്പോൾ. ഫെലിക്‌സ് അഗു മൂന്ന് മിനിറ്റിനകം രണ്ടാം ഗോളും നേടി. മറ്റ് മത്സരങ്ങളിൽ സ്റ്റുട്ട്ഗട്ട് മോൺഷൻ ഗ്ലാഡ്ബാച്ച് മത്സരം 2-2ന് സമനിലയിൽ പിരിഞ്ഞു. എഫ്.സി കോലിൻ ഹെർത്ത മത്സരം ഗോൾരഹിത സമനിലയിൽ കലാശിച്ചു.
