നെന്മാറ: ദേശീയ ഹൈജംപ് താരം ജിഷ്ണയുടെ ആദ്യ സ്വപ്ന സാഫല്യമാണ് ‘അക്ഷരവീടിലൂടെ’ കൈവന്നതെങ്കില് ഒരു സര്ക്കാര് ജോലിയെന്ന സ്വപ്നവും ഇപ്പോള് യാഥാര്ഥ്യമാകുകയാണ്. നിയമപാലകയുടെ റോളിലേക്ക് മാറുന്ന എം. ജിഷ്ണ ഞായറാഴ്ച, പരിശീലനത്തിന് തിരുവനന്തപുരത്തേക്ക് വണ്ടി കയറും. ‘മാധ്യമം’ അക്ഷരവീട് നല്കിയ ദേശീയ ഹൈജംപ് താരം ജിഷ്ണക്ക് കേരള പൊലീസില് നിയമനം ലഭിച്ചത് ഇൗയടുത്ത ദിവസമാണ്.
സ്പോര്ട്സ് േക്വാട്ടയില് ഹവില്ദാര് തസ്തികയില് നേരിട്ടാണ് നിയമനം. തിരുവനന്തപുരം പേരൂര്കട എസ്.എ.പി ക്യാമ്ബില് പരിശീലനത്തിനായി തിങ്കളാഴ്ച രാവിലെ ഹാജരാവാനാണ് നിയമന ഉത്തരവില് പറയുന്നത്. വെള്ളിയാഴ്ചയാണ് നിയമന ഉത്തരവ് കിട്ടിയതെന്നും സര്ക്കാര് ജോലി ലഭിച്ചതില് അതിയായി സന്തോഷിക്കുന്നതായും ജിഷ്ണ പറഞ്ഞു.
നെന്മാറ പേഴുമ്ബാറ തേവര്മണി മോഹനേന്റയും രമയുടെയും മകളായ ജിഷ്ണ, സംസ്ഥാന സ്കൂള് കായികമേളയില് ഹൈജംപില് റെക്കോഡിനുടമയാണ്. ദേശീയ, അന്തര് ദേശീയ അത്ലറ്റിക് മീറ്റുകളില് സ്വര്ണമെഡലുകള് നേടിയ ജിഷ്ണക്കുള്ള ആദരമായി മാധ്യമം, യൂണിമണി, താരസംഘടനയായ ‘അമ്മ’ എന്നിവയുടെ കൂട്ടായ്മയില് രൂപംകൊണ്ട അക്ഷര വീട് പദ്ധതിയില് വീട് നിര്മിച്ചുനല്കിയിരുന്നു. 2019 മാര്ച്ച് 31ന് ജലവിഭവ മന്ത്രി കെ. കൃഷ്ണന്കുട്ടിയാണ് വീട് കൈമാറിയത്.
മണ്ണാര്ക്കാട് കല്ലടി എം.ഇ.എസ് കോളജിലെ രണ്ടാം വര്ഷ ബി.എ ചരിത്ര വിദ്യാര്ഥിയായ ജിഷ്ണ, 2019ലെ ജൂനിയര് നാഷണലില് അണ്ടര് 20 വിഭാഗത്തില് റെക്കോഡോടെ സ്വര്ണമെഡല് നേടിയിരുന്നു. ആ വര്ഷം തന്നെ നേപ്പാളില് നടന്ന സാഫ് ഗെയിംസിലും ജിഷ്ണക്ക് സ്വര്ണമുണ്ട്. ജൂനിയര് നാഷണലില് സ്വര്ണമെഡല് ലഭിച്ച വേളയില് റെയില്വേയില്നിന്ന് ജോലി വാഗ്ദാനം ഉണ്ടായിരുന്നെങ്കിലും പിന്നീട് തുടര്നടപടിയൊന്നും ഉണ്ടായിരുന്നില്ല. ദേശീയ, അന്തര്ദേശീയ താരമെന്ന നിലയിലുള്ള പരിഗണന സര്ക്കാറിെന്റ ഭാഗത്തുനിന്നു ലഭിച്ചില്ല. സ്വന്തം നിലക്ക് ട്രയല്സില് പെങ്കടുത്താണ് ജിഷ്ണ പൊലീസില് സ്പോര്ട്സ് േക്വാട്ടയില് ജോലി കരസ്ഥമാക്കിയത്.