കശ്മീരിൽ വീണ്ടും ഏറ്റുമുട്ടൽ; നാലു ഭീകരരെ സൈന്യം വധിച്ചു

ശ്രീനഗർ: ജമ്മു കശ്മീരിൽ വീണ്ടും ഏറ്റുമുട്ടൽ. കശ്മീരിലെ അനന്തനാഗ് മേഖലയിലുണ്ടായ ഏറ്റുമുട്ടലിൽ നാലു ഭീകരരെ സൈന്യം വധിച്ചു. ശ്രീഗുഫ്വാര മേഖലയിലെ ഷാഗുൽ വനത്തിലായിരുന്നു ഏറ്റുമുട്ടൽ. പോലീസും ഇന്ത്യൻ സൈന്യവും സംയുക്തമായി നടത്തിയ ഓപ്പറേഷനൊടുവിലാണ് ഭീകരരെ വകവരുത്തിയത്.

രാജ്യത്തേക്ക് നുഴഞ്ഞു കയറി ഭീകരാന്തരീക്ഷം സൃഷ്ടിക്കുന്ന ഭീകരർക്കെതിരെ വിട്ടുവീഴ്ച്ചയില്ലാത്ത നടപടികളാണ് ഇന്ത്യൻ സൈന്യം സ്വീകരിക്കുന്നത്. നിയന്ത്രണ രേഖയിൽ ഉൾപ്പെടെ കശ്മീരിന്റെ വിവിധ മേഖലകളിൽ പരിശോധന കർശനമാക്കിയിരിക്കുകയാണ്. ഇതിന്റെ ഭാഗമായി നടത്തിയ പരിശോധനയിലാണ് ഭീകരരെ വധിച്ചത്.