റിയാദ്: ദറഇയ പൗരാണിക നഗരത്തില് ആരംഭിച്ച ഫോര്മുല ഇ 2021 രണ്ടാം റൗണ്ട് കാറോട്ട മത്സരങ്ങള് കാണാന് സൗദി കിരീടാവകാശി അമീര് മുഹമ്മദ് ബിന് സല്മാന് എത്തി.
റേസ് ട്രാക്കിലെത്തിയ കിരീടാവകാശിയെ കായിക മന്ത്രി അമീര് അബ്ദുല് അസീസ് ബിന് തുര്ക്കി അല്ഫൈസല് സ്വീകരിച്ചു. കിരീടാവകാശി മത്സരങ്ങള് കണ്ടു. വിദേശകാര്യ സഹമന്ത്രി അമീര് തുര്ക്കി ബിന് മുഹമ്മദ്, സാംസ്കാരിക വകുപ്പ് മന്ത്രി അമീര് ബദ്ര് ബിന് അബ്ദുല്ല ബിന് ഫര്ഹാന്, സൗദി കാര് ആന്ഡ് മോട്ടോര് സൈക്കിള് ഫെഡറേഷന് പ്രസിഡന്റ് അമീര് ഖാലിദ് ബിന് സുല്ത്താന്, സൗദി ഒളിമ്പിക് കമ്മിറ്റി വൈസ് പ്രസിഡന്റ് അമീര് ഫഹദ് ബിന് ജലവി തുടങ്ങിയവരും കിരീടാവകാശിക്കൊപ്പം മത്സരത്തിന് സാക്ഷ്യം വഹിച്ചു.