തിരുവനന്തപുരത്ത് അപൂർവ്വ ശസ്ത്രക്രിയയ്ക്ക് വിധേയമാക്കിയ മീൻ ചത്തു

തിരുവനന്തപുരം: തിരുവനന്തപുരത്ത് മൃഗശാലയിലെ തമ്മിൽ തല്ലിൽ വയറു പിളർന്ന മീനിനെ അപൂർവ്വ ശസ്ത്രക്രിയയിലൂടെ രക്ഷിക്കാൻ ശ്രമിച്ചെങ്കിലും പരാജയപ്പെട്ടു. മൊറെ ഈൽ എന്ന കടൽ മീനിനെയാണ് കഴിഞ്ഞ ദിവസം മൂന്നര മണിക്കൂറോളം നീണ്ടു നിന്ന ശസ്ത്രക്രിയയ്ക്ക് വിധേയമാക്കിയത്. ശസ്ത്രക്രിയയ്ക്കായി ശേഷം പ്രത്യേക ടാങ്കിൽ നിരീക്ഷണത്തിൽ സൂക്ഷിച്ചെങ്കിലും ചത്തു പോയി.

ശസ്ത്രക്രയയ്ക്കായി പ്രത്യേകം സജ്ജീകരിച്ച പാത്രത്തിൽ കടൽ വെള്ളം ശേഖരിച്ചു. കടൽ മത്സ്യമായതിനാലാണിത്. അതിൽ മീനിന്റെ ചെകിള ഭാഗം വെള്ളത്തിലും ശസ്ത്രക്രിയ നടത്തേണ്ട ഭാഗം പാത്രത്തിന് പുറത്തും വച്ചായിരുന്നു ശസ്ത്രക്രിയ നടത്തിയത്. തുടർന്ന് പ്രത്യേക അക്വേറിയത്തിലേക്ക് മീനിനെ മാറ്റി. 3.30ന് ആരംഭിച്ച ശസ്ത്രക്രിയ 6.30നാണ് അവസാനിച്ചത്.