ശ്രീജ.എസ്
ന്യൂഡല്ഹി: ഡ്രൈവര്ക്ക് പുറമേ മുന്സീറ്റിലെ യാത്രികനും എയര്ബാഗ് നിര്ബന്ധമാക്കി ഉത്തരവിറങ്ങി. 2021 ഏപ്രില് ഒന്നിന് ശേഷം നിര്മിക്കുന്ന കാറുകള്ക്കാണ് എയര്ബാഗ് നിര്ബന്ധമാക്കിയത് . കേന്ദ്ര ഗതാഗത-ഹൈവേ മന്ത്രാലയമാണ് ഉത്തരവിറക്കിയത്.
എന്നാല് ഇപ്പോള് നിര്മാണം നടക്കുന്ന കാറുകളില് 2021 ആഗസ്റ്റ് 31ന് മുമ്പ് എയര്ബാഗുകള് ഘടിപ്പിക്കണമെന്നും ഉത്തരവില് വ്യക്തമാക്കുന്നു. നിലവില് വാഹനങ്ങള്ക്ക് ഉത്തരവ് ബാധകമല്ല.
2019 ജൂലൈയിലാണ് ഡ്രൈവര്ക്ക് എയര്ബാഗ് നിര്ബന്ധമാക്കി ഉത്തരവിറക്കിയത്. അന്ന് കാറുകളുടെ വില അമിതമായി ഉയര്ന്നിരുന്നില്ല. യാത്രക്കാരുടെ സുരക്ഷ മുന്നിര്ത്തിയാണ് തീരുമാനമെന്നും കേന്ദ്രസര്ക്കാര് വിശദീകരിക്കുന്നു.
കേന്ദ്ര ഗതാഗത മന്ത്രാലയത്തിന്റെ കണക്കനുസരിച്ച് രാജ്യത്ത് 2019ല് 4.49 ലക്ഷം റോഡപകടങ്ങളാണ് നടന്നത്. ഇതില് 1.5 ലക്ഷം പേര്ക്ക് ജീവന് നഷ്ടമായി. ലോകത്ത് ഏറ്റവും കൂടുതല് റോഡപകടങ്ങള് നടക്കുന്ന രാജ്യങ്ങളിലൊന്നാണ് ഇന്ത്യ.