ന്യൂഡല്ഹി: ഇന്ത്യയില് കോവിഡ് രോഗികളുടെ എണ്ണം വീണ്ടുമുയര്ന്നു. കഴിഞ്ഞ 24 മണിക്കൂറിനിടെ 24,882 പേര്ക്ക് രോഗം സ്ഥിരീകരിച്ചു. 140 പേര് കോവിഡ് ബാധിച്ച് മരിച്ചു. അതെ സമയം 19,957 പേര് രോഗമുക്തിയുണ്ടായി. കഴിഞ്ഞ ദിവസമായി താരതമ്യം ചെയ്യുമ്പോള് രോഗികളുടെ എണ്ണം ഏഴ് ശതമാനം ഉയര്ന്നിട്ടുണ്ട്.
ഇതോടെ ആകെ രോഗബാധിതരുടെ എണ്ണം 1,13,33,728 ആയി ഉയര്ന്നു. 1,09,73,260 പേര് ഇതുവരെ രോഗമുക്തി നേടി. 2,02,022 പേരാണ് നിലവില് കോവിഡ് ബാധിച്ച് ചികില്സയിലുള്ളത്. 1,58,446 പേര്ക്കാണ് ഇതുവരെ കോവിഡ് മൂലം ജീവന് നഷ്ടപ്പെട്ടത് .
മഹാരാഷ്ട്രയിലാണ് രോഗികളില് ഭൂരിപക്ഷവും. 15000ത്തോളം പേര്ക്കാണ് മഹാരാഷ്ട്രയില് കഴിഞ്ഞ 24 മണിക്കൂറിനിടെ കോവിഡ് ബാധിച്ചത്. അതേസമയം, 2,82,18,457 പേര്ക്ക് രാജ്യത്ത് ഇതുവരെ വാക്സിന് നല്കിയിട്ടുണ്ടെന്നും കേന്ദ്ര ആരോഗ്യമന്ത്രാലയം അറിയിച്ചു.