തിരുവനന്തപുരം: മുതിര്ന്ന സിപിഐ നേതാവും മുന് ഡെപ്യൂട്ടി സ്പീക്കറുമായ സി.എ. കുര്യന്റെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു. തോട്ടം തൊഴിലാളികളുടെ അവകാശങ്ങള്ക്ക് വേണ്ടി പോരാടിയ നേതാവായിരുന്നു കുര്യന്. പ്രയാസങ്ങള് നേരിടുന്ന തോട്ടം തൊഴിലാളികളോട് അദ്ദേഹത്തിന് പ്രത്യേക സ്നേഹവായ്പുണ്ടായിരുന്നു. മലയോര മേഖലയിലെ ജനങ്ങളുടെ ജീവിതം മെച്ചപ്പെടുത്താനുള്ള എല്ലാ പ്രവര്ത്തനങ്ങളിലും അദ്ദേഹം വലിയ പങ്കുവഹിച്ചു.
നിയമസഭയിലും തൊഴിലാളികളുടെ ആവശ്യങ്ങള്ക്കാണ് അദ്ദേഹം പ്രഥമ പരിഗണന നല്കിയത്. സൗമ്യമായ പെരുമാറ്റത്തിലൂടെ എല്ലാവരുടെയും സ്നേഹമാര്ജിച്ച തൊഴിലാളി നേതാവായിരുന്നു കുര്യനെന്നും മുഖ്യമന്ത്രി പറഞ്ഞു.