ശ്രീജ.എസ്
കണ്ണൂര്: തലശേരിയിലെ സ്ഥാനാര്ഥിയുടെ പത്രിക തള്ളിയതിനെതിരേ സുപ്രീം കോടതിയെ സമീപിക്കാനൊരുങ്ങി ബിജെപി. കണ്ണൂര് ജില്ലാ അധ്യക്ഷനാണ് സ്ഥാനാര്ത്ഥിയായ എന്. ഹരിദാസ്. ബി.ജെ.പി ദേശീയ അധ്യക്ഷന് ജെ. പി നദ്ദയുടെ ഒപ്പ് രേഖപ്പെടുത്തിയ ഫോം ‘എ’ ഹാജരാക്കാന് കഴിയാത്തതിനാലാണ് ഹരിദാസിന്റെ പത്രിക തള്ളിയത്.
ബി.ജെ.പിക്ക് കണ്ണൂരില് ഏറ്റവും കൂടുതല് വോട്ടുള്ള മണ്ഡലമാണ് തലശ്ശേരി. ഇന്നലെ എന്.ഡി.എ ഡമ്മി സ്ഥാനാര്ത്ഥി ലതീഷിന്റെ പത്രികയും തള്ളിയിരുന്നു. ഇതോടെ തലശ്ശേരിയില് ബി.ജെ.പിക്ക് സ്ഥാനാര്ത്ഥിയില്ല. തലശ്ശേരിയില് എ.എന് ഷംസീറാണ് എല്.ഡി.എഫ് സ്ഥാനാര്ത്ഥി. എം. പി അരവിന്ദാക്ഷനാണ് യു.ഡി.എഫ് സ്ഥാനാര്ത്ഥിയായി മത്സരിക്കുന്നത്.
ഗുരുവായൂരിലും ബിജെപിക്ക് ഇത്തവണ സ്ഥാനാര്ഥിയില്ല. അഡ്വ. നിവേദിതയുടെ പത്രികയാണ് തള്ളിയത്. ബിജെപി സംസ്ഥാന അധ്യക്ഷന്റെ ഒപ്പില്ലാത്തതാണ് പത്രിക തള്ളാന് കാരണം. ഇവിടെയും ബിജെപിക്ക് ഡമ്മി സ്ഥാനാര്ഥിയില്ല.