![“Manju”](https://santhigirinews.org/wp-content/uploads/2020/04/YOUTUBE.jpg")
മൃതദേഹം കീറിമുറിക്കാതെ പോസ്റ്റ്‌മോര്‍ട്ടം നടത്തുന്ന വെര്‍ച്വല്‍ ഓട്ടോപ്സി ഇന്ത്യയില്‍ ആരംഭിച്ചു. ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലാണ് (AIIMS) കഴിഞ്ഞ ദിവസം ഈ രീതി ആദ്യമായി ആരംഭിച്ചത്. തെക്ക്-കിഴക്കന്‍ ഏഷ്യയില്‍ വിര്‍ച്വല്‍ ഓട്ടോപ്സി നടത്തുന്ന ആദ്യത്തെ ആശുപത്രി എയിംസാണ്. പോസ്റ്റ്‌മോര്‍ട്ടങ്ങള്‍ ഡിജിറ്റൈസ് ചെയ്യുന്നതിനും ശരീരത്തില്‍ മുറിവുകളില്ലാതെ പോസ്റ്റ്‌മോര്‍ട്ടം നടത്തുന്നതിനുമാണ് ‘ വെര്‍ച്വല്‍ പോസ്റ്റ്‌മോര്‍ട്ടം’ ആരംഭിക്കുന്നത്. മൃതശരീരം മാന്യമായ രീതിയില്‍ കൈകാര്യം ചെയ്യുന്നതിനാണ് വെര്‍ച്വല്‍ പോസ്റ്റ്‌മോര്‍ട്ടങ്ങള്‍ നടത്തുന്നതെന്ന് എയിംസ് ഫോറന്‍സിക് വിഭാഗം അറിയിച്ചു. വെര്‍ച്വല്‍ പോസ്റ്റ്‌മോര്‍ട്ട സേവനം അടുത്തിടെയാണ് ഐസിഎംആര്‍ ഡയറക്ടര്‍ ജനറല്‍ ബല്‍റാം ഭാര്‍ഗവ ഉദ്ഘാടനം ചെയ്തത്.
