ഇരട്ട വോട്ട് തടയാൻ നടപടി വേണം; ഹൈക്കോടതിയെ സമീപിച്ച് ചെന്നിത്തല

കൊച്ചി : ഇരട്ട വോട്ട് തടയാൻ നടപടിയാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല ഹൈക്കോടതിയിൽ. ഇരട്ട വോട്ടുകൾ മരവിപ്പിക്കണമെന്നാണ് ആവശ്യം. ഇരട്ട വോട്ടുള്ളവരെ തെരഞ്ഞെടുപ്പിൽ വോട്ടു ചെയ്യാൻ അനുവദിക്കരുതെന്നും, ഈ വോട്ടുകൾ മരവിപ്പിച്ച് ഉത്തരവിടണമെന്നുമാണ് ഹർജിയിലെ ആവശ്യം.

ഒരേ ഫോട്ടോയും, വിലാസവുമാണ് വ്യത്യസ്ത പേരുകളുള്ള എൻട്രികളിലുള്ളത്. ഇരട്ട വോട്ടുകളുടെ ലിസ്റ്റ് വരണാധികാരികൾക്കും, രാഷ്ട്രീയ പാർട്ടികൾക്കും നൽകുമെന്നും, വെബ് കാസ്റ്റിംഗ് ശക്തമാക്കി തിരഞ്ഞെടുപ്പ് ക്രമക്കേടുകൾ തടയുമെന്നുമാണ് തെരഞ്ഞെടുപ്പ് കമ്മീഷൻ അറിയിച്ചിട്ടുള്ളത്. തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ പട്ടിക തിരുത്തൽ എളുപ്പമല്ല. ഈ ഘട്ടത്തിൽ ഇരട്ട വോട്ടുകൾ മരവിപ്പിക്കണമെന്ന ആവശ്യത്തിലുള്ള ഹൈക്കോടതി ഉത്തരവ് സുപ്രധാനമാകും.