![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: കോവിഡ് വീണ്ടും കുതിച്ചുയരുന്ന പശ്ചാത്തലത്തില്‍ ഡല്‍ഹിയില്‍ എല്ലാ വിദ്യാഭ്യാസ സ്ഥാപനങ്ങളും അടച്ചുപൂട്ടി. സ്‌കൂളുകളും കോളേജുകളും അടച്ചുപൂട്ടുന്നതായി മുഖ്യമന്ത്രി അരവിന്ദ് കെജ്‌രിവാളാണ് വെള്ളിയാഴ്ച അറിയിച്ചത്.രാജ്യ തലസ്ഥാനത്ത് ഈ വര്‍ഷം ആദ്യമായി പ്രതിദിന കോവിഡ് കേസുകള്‍ 7,000 കടന്നിരുന്നു. കോവിഡ് രണ്ടാം തരംഗം കൂടുതല്‍ വ്യാപിക്കുന്ന സാഹചര്യത്തില്‍ നിരവധി സംസ്ഥാനങ്ങളിലും ഡല്‍ഹി ഉള്‍പ്പെടെയുള്ള കേന്ദ്രഭരണ പ്രദേശങ്ങളിലും രാത്രി കര്‍ഫ്യൂ അടക്കമുള്ള കടുത്ത നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്.
