വിശാഖപട്ടണം: മകളെ പ്രണയിച്ച് വഞ്ചിച്ചയാളുടെ വീട്ടില് കയറി പിഞ്ചുകുട്ടികളെയടക്കം ആറുപേരെ വെട്ടിക്കൊന്ന് പ്രതികാരം. ആന്ധ്രപ്രദേശിലെ വിശാഖപട്ടണത്തെ ജുട്ടഡ ഗ്രാമത്തില് വ്യാഴാഴ്ച രാവിലെയാണ് സംഭവം. ഒരു പുരുഷനും മൂന്ന് സ്ത്രീകളും രണ്ട് കുട്ടികളുമാണ് കൊല്ലപ്പെട്ടത്. രണ്ട് വയസുള്ള ഒരു കുട്ടിയും ആറുമാസം പ്രായമുള്ള മറ്റൊരു കുട്ടിയുമാണ് മരിച്ചത്. കൂട്ടക്കൊലയ്ക്ക് പിന്നില് അയല്ക്കാരനായ അപ്പാലരാജു ആണെന്നും ഇയാള്ക്കായി തിരച്ചില് ഊര്ജിതമാക്കിയെന്നും പൊലീസ് പറഞ്ഞു. രമണ(60), ഉഷാറാണി(35), രമാദേവി (53), അരുണ (37), ഉദയ്കുമാര് (2), ഉര്വശി (6 മാസം) എന്നിവരാണ് മരിച്ചത്. ഇവരുടെ കുടുംബാംഗമായ വിജയ് അപ്പാലരാജുവിന്റെ മകളുമായി പ്രണയത്തിലായിരുന്നു. പിന്നീട് വിജയ് വേറെ വിവാഹം കഴിച്ചു. വിവാഹത്തിനുശേഷം നാട്ടില് നിന്ന് മാറിയ വിജയ് തിരികെ എത്തിയിട്ടുണ്ടെന്നറിഞ്ഞ് അയാളോട് പ്രതികാരം ചെയ്യാനാണ് അപ്പാലരാജു വീട്ടിലെത്തിയത്. എന്നാല്, വിജയ് വീട്ടിലുണ്ടായിരുന്നില്ല. തുടര്ന്ന് മറ്റുള്ളവരെ പുല്ലരിയുന്ന ആയുധം ഉപയോഗിച്ച് ക്രൂരമായി വെട്ടിക്കൊല്ലുകയായിരുന്നു.
Related Articles
Check Also
Close
-
സിഖ് ഗുരുക്കന്മാരുടെ ചരിത്രം സ്കൂള് സിലബസില് ഉള്പ്പെടുത്താനൊരുങ്ങി യോഗി സര്ക്കാര്December 28, 2020 9:55 AM