ന്യൂഡല്ഹി: കോവിഡ് രൂക്ഷമാകുന്ന പാശ്ചാത്തലത്തില് ഡല്ഹി എയിംസിലെ സ്ഥിതി അതീവ ഗുരുതരമെന്ന് ഡയറക്ടര് ഡോ. രണ്ദീപ് ഗുലേറിയ. ആശുപത്രിയില് ചികിത്സ തേടുന്നവരില് 90% ആളുകള്ക്കും കോവിഡ് പോസിറ്റീവാണെന്നും എയിംസിലെ നിരവധി ആരോഗ്യപ്രവര്ത്തകരും രോഗബാധിതരാണെന്നും അദ്ദേഹം ആശങ്ക അറിയിച്ചു .
അതേസമയം, റഷ്യന് നിര്മിത സ്പുട്നിക് 5 വാക്സിന്റെ ആദ്യ ബാച്ച് ഈ മാസം അവസാനം തന്നെ ഇന്ത്യയിലെത്തുമെന്ന് റഷ്യയിലെ ഇന്ത്യന് അംബാസിഡര് ബാല വേങ്കിടേഷ് വര്മ അറിയിച്ചു. വാക്സിന്റെ നിര്മാണം ആരംഭിച്ചു കഴിഞ്ഞുവെന്നും അദ്ദേഹം പറഞ്ഞു.
മേയ് മാസത്തോട് കൂടി വാക്സിന്റെ നിര്മാണം വര്ധിപ്പിക്കും. പ്രതിമാസം 50 ദശലക്ഷം വാക്സിന് നിര്മിക്കുമെന്നും ബാല വേങ്കിടേഷ് പറഞ്ഞു. ഇന്ത്യയില് കോവിഡിന്റെ രണ്ടാം തരംഗം അതിരൂക്ഷമാകുന്ന സാഹചര്യത്തിലാണ് റഷ്യന് നിര്മിത സ്പുട്നിക് 5 വാക്സിന്റെ അടിയന്തര ഉപയോഗത്തിന് ഇന്ത്യ അനുമതി നല്കിയത്.