പോത്തന്കോട് മിനി സിവില്സ്റ്റേഷന് യാഥാര്ഥ്യത്തിലേക്ക്
പോത്തന്കോട് മിനി സിവില്സ്റ്റേഷന് യാഥാര്ഥ്യത്തിലേക്ക്. സിവില്സ്റ്റേഷന്റെ പ്രവര്ത്തനം 19-ന് തുടങ്ങാന് തീരുമാനിച്ചതായി മന്ത്രി ജി.ആര്.അനില് അറിയിച്ചു. മിനി സിവിൽസ്റ്റേഷനിൽ പ്രവർത്തിക്കുന്ന ഓഫീസുകളുടെ മാറ്റം 15-ന് പൂർത്തിയാക്കുമെന്നും മന്ത്രി പറഞ്ഞു.
ഒന്നാമത്തെ നിലയിൽ കീഴ്തോന്നയ്ക്കൽ വില്ലേജോഫീസ്, സബ് രജിസ്ട്രാർ ഓഫീസ്, സപ്ലൈകോ മെഡിക്കൽ ഷോപ്പ്, പോസ്റ്റോഫീസ് എന്നിവയും രണ്ടാംനിലയിൽ സംയോജിത ശിശു വികസന പദ്ധതി ഓഫീസ്, പൊതുമരാമത്ത് വകുപ്പ് ഓഫീസ്, ഹോമിയോ ആശുപത്രി, സിദ്ധാശുപത്രി എന്നിവയും മൂന്നാംനിലയിൽ ജലവിഭവവിഭാഗം ഓഫീസ് എന്നിവയുമുൾപ്പെടെ 10 സർക്കാർ ഓഫീസുകളാണ് കെട്ടിടത്തിൽ പ്രവർത്തിക്കാൻ തീരുമാനിച്ചിട്ടുള്ളത്. പോത്തൻകോട് ബ്ലോക്ക് പഞ്ചായത്തോഫീസും ട്രഷറിയും മിനി സിവിൽസ്റ്റേഷനിൽ ഉണ്ടാകില്ലെന്ന് അധികൃതർ വ്യക്തമാക്കി. മിനി സിവിൽസ്റ്റേഷൻ ഉദ്ഘാടനത്തിന് തയ്യാറെടുക്കുമ്പോഴും ഇവിടേക്കെത്താനുള്ള റോഡ് നിർമ്മാണം എങ്ങുമെത്തിയിട്ടില്ല. റോഡ് നിർമ്മാണം 15-ന് മുമ്പ് പൂർത്തിയാക്കുമെന്ന് പഞ്ചായത്ത് പ്രസിഡന്റ് ടി.ആർ.അനിൽകുമാർ അറിയിച്ചു.