കൊച്ചി: ഇന്ത്യന് നാവികസേന ഓക്സിജന് എക്പ്രസ് എന്ന പ്രത്യേക ദൗത്യം വഴി ലക്ഷദ്വീപിലേക്ക്. കപ്പലുകളില് ഓക്സിജനും അവശ്യമരുന്നുകളും എത്തിച്ചുനല്കാനുള്ള നടപടികള് തുടങ്ങി. 35 ഓക്സിജന് സിലിണ്ടറുകളും, ആന്റിജന് ടെസ്റ്റ് കിറ്റുകളും, പിപിഇ കിറ്റും, മാസ്കും ഉള്പ്പെടെയുള്ള അവശ്യസാധനങ്ങള് എത്തിച്ചു നല്കി.
കവരത്തി, മിനിക്കോയ് ദ്വീപുകളിലും ദൗത്യസംഘമെത്തി. ലക്ഷദ്വീപിലെ ഒഴിഞ്ഞ ഓക്സിജന് സിലിണ്ടറുകള് ശേഖരിച്ച നേവിസംഘം ഇതില് ലഭ്യത ഉറപ്പാക്കി ദ്വീപുകളില് തിരിച്ചെത്തിക്കും. അടിയന്തര ഐസിയു സൗകര്യവും, രോഗികളെ കൊച്ചിയിലെത്തിച്ച് വിദഗ്ധ ചികിത്സയ്ക്കുള്ള സൗകര്യവും ലഭ്യമാക്കാനുമുള്ള നടപടികള് നാവിക സേന ഉറപ്പാക്കിയിട്ടുണ്ട്.