യാത്രക്കാരുടെ സഹായത്തിനായി ഇനി 112 -ല് വിളിക്കാം
തിരുവനന്തപുരം: അടിയന്തിര ഘട്ടങ്ങളില് ബന്ധപ്പെടാനുളള നമ്പറായ 112 ല് ഇനിമുതല് റെയില്വേ പോലീസ് സേവനങ്ങളും. പ്ലാറ്റ്ഫോമിലും ട്രെയിനിലും അടിയന്തിരഘട്ടങ്ങളില് യാത്രക്കാര്ക്ക് സഹായത്തിനായി 112 ല് വിളിക്കാം. 24 മണിക്കൂറും ഈ സേവനം ലഭ്യമാകും. രാജ്യവ്യാപക ഏകീകൃത നമ്പറായ 112 ല് കേരളാ റെയില്വേ പോലീസിന്റെ സേവനങ്ങള് കൂടി ഉള്പ്പെടുത്തിയാണ് പുതിയ സംവിധാനം നടപ്പിലാക്കിയത്. സംസ്ഥാന പോലീസ് മേധാവി ലോക്നാഥ് ബെഹ്റ തിരുവനന്തപുരത്ത് പദ്ധതി ഓണ്ലൈനില് ഉദ്ഘാടനം ചെയ്തു. കേരളാ റെയില്വെ പോലീസ് കമാന്റ് ആന്റ് കണ്ട്രോള് സെന്റര് ആണ് റെയില്വേ പോലീസിന്റെ നോഡല് ഓഫീസ്. പോലീസ് ആസ്ഥാനത്ത് 24 മണിക്കൂറും പ്രവര്ത്തിക്കുന്ന ഇ.ആര്.എസ്.എസ് കമാന്ഡ് സെന്ററില് ലഭിക്കുന്ന സന്ദേശങ്ങള് ക്രോഡീകരിക്കുന്നത് സാങ്കേതിക പരിജ്ഞാനവും ഭാഷാപ്രാവീണ്യവുമുള്ള പോലീസുദ്യോഗസ്ഥരാണ്.