InternationalLatest
വിനോദ കേന്ദ്രങ്ങള് അടച്ചിട്ടു
മസ്കത്ത്: കനത്ത മഴ തുടരുന്ന സാഹചര്യത്തില് ഒമാനിലെ വിനോദ സഞ്ചാര കേന്ദ്രങ്ങള് താല്കാലികമായി അടച്ചിടാന് സിവില് ഡിഫന്സ് ആന്ഡ് ആംബുലന്സ് അതോറിറ്റി തീരുമാനിച്ചു. മരണമടക്കമുള്ള അപകടങ്ങള് തുടര്ച്ചയായി റിപ്പോര്ട്ട് ചെയ്യപ്പെടുന്നതിനാലും മുന്നറിയിപ്പുകളോടും നിര്ദ്ദേശങ്ങളോടും ജനങ്ങള് കാണികുന്ന അനാസ്ഥയും കണക്കിലെടുത്താണ് തീരുമാനം. കഴിഞ്ഞ ദിവസങ്ങളില് ബീച്ചുകളിലും മറ്റുമുണ്ടായ അപകടത്തില് ആറിലധികം ആളുകള് മരിച്ചിരുന്നു. കടലിലും ബീച്ചുകളിലും മറ്റും പോകരുതെന്ന് അധികൃതര് നേരത്തെ മുന്നറിയിപ്പ് നല്കിയിരുന്നു. എന്നാല്, ഇതൊന്നും പരിഗണിക്കാതെ നിരവധിപേരാണ് പെരുന്നാള് അവധി പ്രമാണിച്ച് ഇത്തരം സ്ഥലങ്ങളില് എത്തുന്നത്