തൊടുപുഴ: ജില്ലാ ആശുപത്രിയില് കോവിഡ് രോഗികള്ക്കായി ആരംഭിച്ച കേന്ദ്രീകൃത ഓക്സിജന് വിതരണ ശൃംഖലയുടെ ഉദ്ഘാടനം ആരോഗ്യ മന്ത്രി നിര്വഹിച്ചു. ഓണ്ലൈനായാണ് ഉത്ഘാടനം നിര്വഹിച്ചത്. ആതുര ശുശ്രൂഷാ മേഖല വളര്ച്ചയുടെ പാതയിലാണെന്ന് ഉദ്ഘാടനം നിര്വഹിക്കവെ മന്ത്രി പറഞ്ഞു. ഇതോടൊപ്പം 16.69 കോടി രൂപ ചെലവഴിച്ച് നടത്തിയ വിവിധ പദ്ധതികളുടെ ഉദ്ഘാടനവും മന്ത്രി നിര്വഹിച്ചു.
158 ആരോഗ്യ സ്ഥാപനങ്ങളിലായാണ് പദ്ധതികള് നടപ്പാക്കിയത്. കോവിഡ്, സിക്ക, നിപ തുടങ്ങിയവ കേരളത്തില് റിപ്പോര്ട്ട് ചെയ്തതിന്റെ പശ്ചാത്തലത്തിലാണ് പദ്ധതികളെല്ലാം നടപ്പാക്കിയതെന്നും മന്ത്രി കൂട്ടി ചേര്ത്തു. ന്യൂമാന് കോളേജില് സംഘടിപ്പിച്ച പ്രാദേശിക ചടങ്ങില് പി.ജെ. ജോസഫ് എംഎല്എ അധ്യക്ഷത വഹിച്ചു.