![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: വാക്സിന്‍ പാസ്പോര്‍ട്ട് ഏര്‍പ്പെടുത്താനുള്ള നീക്കത്തില്‍ എതിര്‍പ്പ് രേഖപ്പെടുത്തി ഇന്ത്യ. ജി 7 രാജ്യങ്ങളുടെ ആരോഗ്യമന്ത്രിമാരുടെ യോഗത്തിലാണ് ഇന്ത്യ വിയോജിപ്പ് അറിയിച്ചത്. വാക്സിന്‍ പാസ്പോര്‍ട്ട് ഏര്‍പ്പെടുത്താനുള്ള തീരുമാനം വിവേചനപരമാണെന്ന് ഇന്ത്യ നിലപാടെടുത്തു. രാജ്യത്ത് മൂന്ന് ശതമാനം ജനങ്ങള്‍ക്ക് മാത്രമാണ് ഇതുവരെ കോവിഡ് വാക്സിന്‍ ലഭ്യമാക്കിയത് .ജി 7 രാജ്യങ്ങളുടെ ആരോഗ്യമന്ത്രിമാരുടെ യോഗത്തില്‍ ഇന്ത്യക്ക് പ്രത്യേക ക്ഷണം ലഭിച്ചിരുന്നു. യോഗത്തില്‍ പങ്കെടുത്ത കേന്ദ്ര ആരോഗ്യമന്ത്രി ഹര്‍ഷവര്‍ധനനാണ് എതിര്‍പ്പുമായി രംഗത്തെത്തിയത്.
“വാക്സിന്‍ പാസ്പോര്‍ട്ട് ഏര്‍പ്പെടുത്തുന്നതില്‍ ഇന്ത്യക്ക് ഏതിര്‍പ്പുണ്ട്. വികസ്വര രാജ്യങ്ങളില്‍ കുറച്ച്‌ പേര്‍ക്ക് മാത്രമാണ് വാക്സിന്‍ ലഭ്യമായിട്ടുള്ളത്. എല്ലാവര്‍ക്കും വാക്സിന്‍ ലഭിക്കാവുന്ന സാഹചര്യം വികസ്വര രാജ്യങ്ങളിലില്ല. ” ഈ സാഹചര്യത്തില്‍ വാക്സിന്‍ പാസ്പോര്‍ട്ട് ഏര്‍പ്പെടുത്താനുള്ള തീരുമാനം വിവേചനപരമാണെന്ന് ഹര്‍ഷ വര്‍ധന്‍ ചൂണ്ടിക്കാട്ടി.
കോവിഡ് പ്രതിരോധ വാക്സിന്റെ ഫലപ്രാപ്തിയെ കുറിച്ച്‌ ബോധ്യമായതിന് ശേഷം മാത്രം പാസ്പോര്‍ട്ട് ഏര്‍പ്പെടുത്തുന്നതിനെ കുറിച്ച്‌ ചിന്തിച്ചാല്‍ മതി. രാജ്യത്തെ മുഴുവന്‍ പേര്‍ക്കും വാക്സിന്‍ ലഭ്യമാക്കാനുള്ള നടപടികള്‍ ലോകാരോഗ്യസംഘടന സ്വീകരിക്കുകയും വേണമെന്നും കേന്ദ്രമന്ത്രി യോഗത്തില്‍ ആവശ്യപ്പെട്ടു.
