വാക്സിന് എടുത്തവര്ക്ക് രാജ്യസ്നേഹി ബാഡ്ജ്
ഭോപാല്: വാക്സിന് എടുക്കുക എന്നത് മാത്രമാണ് കോവിഡ് 19 മൂന്നാം തരംഗം നേരിടാനുള്ള ഒരേയൊരു ഉപാധി. ലോകാരോഗ്യ സംഘടനയടക്കം വാക്സിന് അത്രത്തോളം പ്രാധാന്യം നല്കുന്നുണ്ട്. വാക്സിന്റെ ഈ പ്രാധാന്യം കണക്കിലെടുത്ത് മധ്യപ്രദേശില് കോവിഡ് വാക്സിനെടുത്തവര്ക്ക് ‘ഞാന് ദേശസ്നേഹി’ ബാഡ്ജ് അണിയിച്ച് പൊലീസ് മാതൃകയാകുന്നു.
നിവാരി ജില്ലയിലാണ് വാക്സിന് സ്വീകരിച്ച് മടങ്ങിയവര്ക്ക് ‘ഞാന് വാക്സിനെടുത്തിരിക്കുന്നു, അതിനാല് ഞാന് ദേശസ്നേഹി’ എന്ന ബാഡ്ജ് അണിയിച്ചുനല്കിയത്. വാക്സിന് എടുക്കാത്തവര്ക്ക് നേരെ തിരിച്ചും ബാഡ്ജ് പിന്ചെയ്ത് നല്കുന്നുണ്ട്. ‘ഞാന് വാക്സിന് എടുത്തില്ല, അതിനാല് എന്നില് നിന്ന് മാറിനില്ക്കുക’. എന്നാണ് ഇവരെ അണിയിച്ച ബാഡ്ജിലുള്ളത്.
വാക്സിന് ഒരു വ്യക്തിയെ സ്വയം കോവിഡ്-19 ല്നിന്നും പരിരക്ഷിക്കുന്നതിനും അതുപോലെ തന്നെ ഏറ്റവും അടുത്തുളള കുടുംബാംഗങ്ങള്, സുഹൃത്തുക്കള്, ബന്ധുക്കള്, സഹപ്രവര്ത്തകര് എന്നിവരിലേക്ക് രോഗം പകരാതെ പരിമിതപ്പെടുത്താനും വാക്സിന് സ്വീകരിക്കുന്നതു വഴി സാധിക്കും.