ന്യൂഡല്ഹി: കൊറോണ വൈറസിന്റെ ഡെല്റ്റ വകഭേദത്തെ ചെറുക്കാന് ബൂസ്റ്റര് ഡോസ് നല്കുമെന്ന് സ്പുട്നിക്. വാക്സിന് ഡോസ് നല്കിയതിന് ശേഷമാവും ഡെല്റ്റയെ പ്രതിരോധിക്കാനായി ബൂസ്റ്റര് ഡോസ് കൂടി കുത്തിവെക്കുക. സ്പുട്നിക് വാക്സിന്റെ കമ്പനിയായ റഷ്യന് ഡയറക്ട് ഇന്വെസ്റ്റ്മെന്റ് ഫണ്ടാണ് ഇക്കാര്യം അറിയിച്ചത്.
“ഡെല്റ്റ വകഭേദം നമ്മുടെ പൊതുവായ ശത്രുവാണ്. അതിനെതിരെ നമുക്ക് ഒരുമിച്ച് പോരാടാം. ഡെല്റ്റ വകഭേദത്തെ പ്രതിരോധിക്കുന്നതിനായി മറ്റ് വാക്സിനുകള്ക്കും ബൂസ്റ്റര് ഡോസ് ലഭ്യമാക്കുമെന്ന് സ്പുട്നിക് അറിയിച്ചു. ട്വിറ്ററിലൂടെയാണ് അധികൃതര് ഇക്കാര്യം അറിയിച്ചത്.
അതെ സമയം നേരത്തെ കോവിഡിന്റെ ഡെല്റ്റ വകഭേദത്തിനെതിരെ സ്പുട്നിക് വാക്സിന് ഫലപ്രദമാണെന്ന് അവകാശപ്പെട്ട് കമ്പനി രംഗത്തെത്തിയിരുന്നു. ഇതിന് പിന്നാലെയാണ് ബൂസ്റ്റര് ഡോസ് നല്കുമെന്ന അറിയിപ്പ് നല്കിയിരിക്കുന്നത്. ഇന്ത്യയില് അംഗീകാരം ലഭിച്ച വാക്സിനുകളിലൊന്നാണ് സ്പുട്നിക്. ഹൈദരാബാദിലെ ഡോ.റെഡ്ഡീസ് ലബോറിട്ടറിയാണ് സ്പുട്നിക് വാക്സിന് ഇന്ത്യയില് ഉല്പ്പാദിപ്പിക്കുന്നത് .