ഭൂകമ്പത്തില്‍ നിന്ന് രക്ഷപ്പെട്ടു , ഒടുവിൽ മരണത്തിനു കീഴടങ്ങി

ബെയ്ജിംഗ് ; സിചുവാന് ഭൂകമ്പത്തില്‍ തകര്‍ന്ന കെട്ടിടാവശിഷ്ടങ്ങള്‍ക്കിടയില്‍നിന്ന് രക്ഷപെട്ടതിലൂടെ ശ്രദ്ധ നേടിയ ചൈനയിലെ പന്നി മരണത്തിനു കീഴടങ്ങി . ഴു ജിയാന്‍ക്വിയാങ് എന്നറിയപ്പെടുന്ന പന്നിയാണ് വാര്‍ദ്ധക്യസഹജമായ രോഗങ്ങളെ തുടര്‍ന്ന് മരണത്തിന് കീഴടങ്ങിയത്.

മരണസമയത്ത് ഇതിന് 14 വയസ്സായിരുന്നു. ഭൂകമ്പത്തിനുശേഷം, പന്നിയെ താമസിപ്പിച്ചിരുന്ന സിചുവാന്‍ പ്രവിശ്യയിലെ ജിയാന്‍ചുവാന്‍ മ്യൂസിയം അധികൃതരാണ് ഇക്കാര്യം അറിയിച്ചത്. ഊർജ്ജസ്വലതയുടെയും ,പ്രതീക്ഷയുടെയും പ്രതീകമായിരൂന്നു ചൈനയ്ക്ക് ഈ പന്നി .

സോഷ്യൽ മീഡിയ സൈറ്റായ വെയ്‌ബോയിലൂടെ ദശലക്ഷക്കണക്കിന് ആളുകളാണ് പന്നിയെ അനുസ്മരിക്കുന്നതിനും ആദരാഞ്ജലി അർപ്പിക്കുന്നതിനും എത്തിയത്.”സ്ട്രോംഗ്-വിൽഡ് പിഗ് മരിച്ചു” എന്ന ഹാഷ്‌ടാഗിൽ 43 ലക്ഷം പേര്‍ പന്നിക്ക് ആദരാജ്ഞലി അർപ്പിച്ചു.