InternationalLatest
ഇന്ത്യന് വംശജയെ ഫെഡറല് ജഡ്ജിയായി നിയമിച്ചു
വാഷിങ്ടണ്: അമേരിക്കയില് ഫെഡറല് ജഡ്ജിയായി ഇന്ത്യന് വംശജയെ നിയമിച്ച് ബൈഡന് ഭരണകൂടം . സര്ക്യൂട്ട് കോടതി ജഡ്ജിയായിരുന്ന ഷാലിന ഡി കുമാറിനെയാണ് മിഷിഗണ് ചുമതലയുള്ള ഫെഡറല് ജഡ്ജിയായി വൈറ്റ് ഹൗസ് പ്രഖ്യാപിച്ചത്.
2007 മുതല് ഓക്ലന്ഡ് കൗണ്ടി സിക്സ്ത് സര്ക്യുട്ട് കോടതിയില് സേവനമനുഷ്ഠിച്ചുവരികയായിരുന്നു.
സിവില്, ക്രിമിനല് കേസുകള് ഇവര് പരിഗണിക്കും. നേരത്തെ 10 വര്ഷത്തോളം സ്വകാര്യ മേഖലയില് സേവനം ചെയ്ത ശേഷമാണ് 2007ല് സര്ക്കാര് സര്വീസിലെത്തിയത്.1993ല് മിഷിഗണ് യൂനിവേഴ്സിറ്റിയിലും 1996ല് ഡെട്രോയിറ്റ് യൂനിവേഴ്സിറ്റിയിലുമായിരുന്നു ഷാലിന വിദ്യാഭ്യാസം പൂര്ത്തിയാക്കിയത് .