![“Manju”](https://santhigirinews.org/wp-content/uploads/2020/04/YOUTUBE.jpg")
കറാച്ചി: പാകിസ്ഥാന്‍ മുന്‍ പ്രസിഡന്റ് മംനൂന്‍ ഹുസൈന്‍ (80) അന്തരിച്ചു. മുസ്ലിം ലീഗ്-നവാസ് (പി.എം.എല്‍-എന്‍) മുതിര്‍ന്ന നേതാവുമായ മംനൂന്‍ ഹുസൈന്‍ വാര്‍ധക്യസഹജമായ അസുഖത്തെ തുടര്‍ന്ന് ചികിത്സയിലായിരുന്നു. കഴിഞ്ഞ ഫെബ്രുവരിയില്‍ അര്‍ബുദം സ്ഥിരീകരിച്ചിരുന്നു.
പാകിസ്ഥാന്റെ 12-മത്തെ പ്രസിഡന്റായി 2013ലാണ് മംനൂന്‍ ഹുസൈന്‍ ചുമതലയേറ്റത്. 2018 വരെ അധികാരത്തില്‍ തുടര്‍ന്നു. 1940ല്‍ ആഗ്രയിലായിരുന്നു ജനനം. ഇന്ത്യ-പാക് വിഭജനത്തിന് ശേഷമാണ് കുടുംബം പാകിസ്ഥാനിലേക്ക് കുടിയേറിയത്.
