ചവറ : വ്യവസായ പൊതുമേഖലാ സ്ഥാപനമായ കേരള മിനറല്സ് ആന്റ് മെറ്റല്സ് ലിമിറ്റഡ്(കെഎംഎംഎല്) കോവിഡ് പ്രതിരോധത്തില് ആരോഗ്യമേഖലയ്ക്ക് ശക്തമായ പിന്തുണ ആണ് നല്കുന്നത്. പ്രതിദിനം 7 ടണ് ദ്രവീകൃത ഓക്സിജന് ആണ് കമ്പനി ഉല്പ്പാദിപ്പിക്കുന്നത്. എന്നാല് ഇപ്പോള് കമ്പനി ഇത് ഉയര്ത്തി 9 ടണ് ആയി ഉയര്ത്തി.
ആരോഗ്യ മേഖലയ്ക്ക് 2020 ഒക്ടോബര് മുതല് ഇതുവരെ 1550 ടണ് ഓക്സിജന് നല്കിയെന്ന് കമ്പനി അറിയിച്ചു. ഓക്സിജന്റെ ആവശ്യകത കോവിഡ് ചികിത്സയില് ആവശ്യം കൂടിവന്ന സാഹചര്യത്തിലാണ് ഉല്പാദനം വര്ധിപ്പിച്ചത്. കെഎംഎംഎല് നേരത്തെ ജില്ലാ ഭരണകൂടത്തിന് ഓക്സിജന് സൗകര്യമുള്ള കിടക്കകളോടെ സെക്കന്റ് ലൈന് ട്രീറ്റ്മെന്റ് സെന്റര് ഒരുക്കി നല്കിയിരുന്നു. ചവറ ഗവണ്മെന്റ് ഹയര്സെക്കന്ററി സ്കൂളിലും ഗ്രൗണ്ടിലുമായി 853 കിടക്കകളാണ് സജ്ജീകരിച്ചത്