InternationalLatest
പ്ലസ് ടു പരീക്ഷയില് യു.എ.ഇയില് 97.31 ശതമാനം വിജയം
ദൂബൈ ; പ്ലസ് ടു പരീക്ഷയില് യു.എ.ഇയില് 97.31 ശതമാനം വിജയം. എട്ട് സ്കൂളുകളില്നിന്ന് 464 കുട്ടികള് രജിസ്റ്റര് ചെയ്തതില് 446 പേരാണ് പരീക്ഷ എഴുതിയത്. ഇതില് 434 പേരും വിജയിച്ചു. 112 കുട്ടികള് എല്ലാ വിഷയത്തിലും എ പ്ലസ് നേടി. കഴിഞ്ഞ വര്ഷത്തെ അപേക്ഷിച്ച് യു.എ.ഇയില് വിജയ ശതമാനം വര്ധിച്ചു. കഴിഞ്ഞ വര്ഷം 93.94 ആയിരുന്നു വിജയ ശതമാനം. കോവിഡ് പ്രതിസന്ധിക്കിടയിലും വിദ്യാര്ഥികള് പൊരുതി നേടിയതാണ് ഈ വിജയം.
ഇക്കുറി ഏറ്റവും കൂടുതല് കുട്ടികള് പരീക്ഷ എഴുതിയത് 92പേര് രജിസ്റ്റര് ചെയ്ത ദുബൈ ന്യൂ ഇന്ത്യന് മോഡല് സ്കൂളിലാണ്. എല്ലാ കുട്ടികളും വിജയിച്ചു. സയന്സില് 19ഉം കോമേഴ്സില് 20ഉം കുട്ടികള് എല്ലാ വിഷയങ്ങള്ക്കും എ പ്ലസ് നേടി.അബൂദബി മോഡല് സ്കൂളില് പരീക്ഷഫലം വന്ന എല്ലാ കുട്ടികളും വിജയിച്ചു.