ഗുസ്തിയില് ഇന്ത്യ ഫൈനലില്
ടോക്കിയോ: തോല്വിയുടെ വിളുമ്പില്നിന്ന് എതിരാളിയെ ചടുലചനങ്ങളില് കറക്കിമലര്ത്തിയടിച്ച ഇന്ത്യയുടെ രവികുമാര് ധഹിയ ഫൈനലില്. ഒളിമ്ബിക്സ് 57 കിലോ ഫ്രീസ്റ്റൈല് വിഭാഗത്തില് അതിശയകരമായ തിരിച്ചുവരവിലൂടെ ഇന്ത്യന് താരം മെഡല് ഉറപ്പിച്ചു.
അവസാന 65 സെക്കന്ഡുകളില് 9-2 എന്ന സ്കോറില് തോല്വി ഉറപ്പിച്ച ഇടത്തുനിന്നായിരുന്നു ദഹിയയുടെ ഗംഭീര തിരിച്ചുവരവ്. കസാഖ്സ്ഥാന്റെ നൂറിസ്ലാം സനയേവിനെയാണ് രവികുമാര് പരാജയപ്പെടുത്തിയത്. അനായാസം ജയിക്കുമെന്ന വിശ്വാസത്തില് ഗോദയിലെത്തിയ രവികുമാറിനെ കസാഖ് താരം ഞെട്ടിച്ചു. 2-1 ന് തുടക്കത്തിലേ മുന്നിലെത്തിയ സനയേവ് ആദ്യ പകുതിയില് 9-2 ന്റെ ലീഡ് സ്വന്തമാക്കി.
രവികുമാറിനെ മലര്ത്തിയടിച്ച് പലവട്ടം തറയില് കറക്കിയാണ് സനയേവ് ലീഡ് എടുത്തത്. ഇതോടെ കസാക്ക് ഗുസ്തിക്കാരന് സ്വപ്ന ഫൈനല് ഉറപ്പിച്ചു. എന്നാല് തോറ്റ് കൊടുക്കാന് രവികുമാറിന് മനസുണ്ടായിരുന്നില്ല.
മൂന്നു മിനിറ്റിന്റെ രണ്ടാം പകുതിയില് ലീഡിന്റെ ബലത്തില് പ്രതിരോധക്കോട്ടകെട്ടിയ സനയേവിനെ രണ്ട് മിനിറ്റുകളില് രവികുമാറിന് ഒന്നും ചെയ്യാനായില്ല. ഇന്ത്യന് ആരാധകര് തോല്വി ഉറപ്പിച്ച നിമിഷം രവികുമാര് ഒരു കൊള്ളിമീന് പ്രകടനത്തിലൂടെ സനയോവിനെ പിടികൂടി മലര്ത്തിയടിച്ചു. രവികുമാറിന്റെ പിടിയില് കസാക്ക് താരം ഒതുങ്ങിക്കിടന്നതോടെ വിജയം ഇന്ത്യന് പക്ഷത്ത്.