![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡൽഹി: പ്രധാനമന്ത്രി നരേന്ദ്ര മോദി യുഎസ് പ്രസിഡന്റുമായി കൂടിക്കാഴ്ച്ച നടത്തുമെന്ന് റിപ്പോര്‍ട്ട്‌ .ഉഭയകക്ഷി ചർച്ചകൾ ഇരു നേതാക്കളും തമ്മിൽ നടക്കും. മോദിയുടെയും ജോ ബിഡന്റെയും കൂടിക്കാഴ്ച സെപ്റ്റംബർ 23 ന് നടക്കും. കൊവിഡിന് ശേഷം യുഎസ് പ്രസിഡന്റുമായി ഇന്ത്യന്‍ പ്രധാനമന്ത്രി നടത്തുന്ന ആദ്യ കൂടിക്കാഴ്ച്ചയാകും ഇത്
ക്വാഡ് ഉച്ചകോടിക്ക് പങ്കെടുക്കാനായി പ്രധാനമന്ത്രി അമേരിക്കയിലേക്ക് പോകാനുള്ള തയ്യാറെടുപ്പുകൾ നടത്തിവരികയാണെന്നാണ് റിപ്പോര്‍ട്ട്‌. ഇതുവരെ ഔദ്യോഗികമായി ഇക്കാര്യം
പ്രഖ്യാപിച്ചിട്ടില്ല.
ഇതുവരെ പുറത്തുവന്ന റിപ്പോര്‍ട്ട്‌ അനുസരിച്ച് പ്രധാനമന്ത്രിക്ക് സെപ്റ്റംബർ 22 ന് വാഷിംഗ്ടണിലേക്ക് പോകുമെന്നാണ് സൂചന. യുഎസ് പ്രസിഡന്റ് ബിഡനുമായുള്ള ചർച്ചകൾ സെപ്റ്റംബർ 23 ന് നടക്കും.
തുടർന്ന് സെപ്റ്റംബർ 24 ന് ക്വാഡ് ഉച്ചകോടി നടക്കും. ക്വാഡ് ഉച്ചകോടിക്ക് ശേഷം, പ്രധാനമന്ത്രി വാഷിംഗ്ടണിൽ നിന്ന് ന്യൂയോർക്കിലേക്ക് പോകും, അവിടെ സെപ്റ്റംബർ 25 ന് യുഎൻജിഎയുടെ 76 -ാമത് സെഷനിൽ പ്രധാനമന്ത്രി മോദി സംസാരിക്കും.
