മോന്സന്റെ ആഡംബരക്കാറുകള്ക്കൊന്നും രേഖയില്ല
തിരുവനന്തപുരം: പുരാവസ്തു തട്ടിപ്പ് കേസില് അറസ്റ്റിലായ മോന്സന് മാവുങ്കലിന്റെ പക്കലുണ്ടായിരുന്ന ആഡംബരക്കാറുകള്ക്കൊന്നും രേഖകളില്ലെന്ന് മോട്ടോര് വാഹനവകുപ്പ്. എട്ട് വാഹനങ്ങളാണ് എംവിഡി പരിശോധിച്ചത്. ഇതില് ഒരു വാഹനം പോലും മോന്സന്്റെ പേരിലുള്ളതല്ലെന്നാണ് കണ്ടെത്തല്. രണ്ടു വാഹനങ്ങള് രൂപമാറ്റം വരുത്തി പോര്ഷെയാക്കിയതയാണ്.
ഹരിയാന രജിസ്ട്രേഷനിലുളള പോര്ഷേ വാഹനം യഥാര്ഥ പോര്ഷേ അല്ലെന്നാണ് കണ്ടെത്തല്, മിത്സുബുഷി സിഡിയ കാര് രൂപം മാറ്റി പോര്ഷേ ലോഗോ പതിപ്പിച്ചിറക്കിയതാണ്. ഡിപ്ലോമാറ്റിക് വാഹനമായി മോന്സന് അവതരിപ്പിച്ചിരുന്ന ലിമോസിന് കാര്, മെഴ്സിഡസിന് നീളം കൂട്ടി ഉണ്ടാക്കിയതാണ്. വിഐപികളുടെ കണ്ണുമഞ്ഞളിപ്പിക്കാന് കലൂരിലെ വീട്ടുമുറ്റത്ത് ഒന്നൈന്നായി നിരത്തിയിട്ടിരുന്ന കാറുകളെല്ലാം അറുപഴഞ്ചനാണെന്നാണ് മോട്ടോര് വാഹന വകുപ്പിന്റെ അന്വേഷണ റിപ്പോര്ട്ടിലുളളത്.