![“Manju”](https://santhigirinews.org/wp-content/uploads/2020/04/YOUTUBE.jpg")
യുപി: ബരാബങ്കിയില്‍ ഡബിള്‍ ഡക്കര്‍ ബസും ട്രക്കും കൂട്ടിയിടിച്ച്‌ 9 പേര്‍ മരിച്ചു. 27 പേര്‍ക്കു പരിക്കേറ്റു. പലരുടെയും നില ഗുരുതരമാണെന്നാണ് റിപ്പോര്‍ട്ടുകള്‍.
ഇതുവരെ, അപകടത്തില്‍ ഒമ്ബത് പേരുടെ മരണം ഭരണകൂടം സ്ഥിരീകരിച്ചിട്ടുണ്ട്, 32 പേര്‍ക്ക് പരിക്കേറ്റതായി സ്ഥിരീകരിച്ചു. അതേസമയം, പ്രഥമ ശുശ്രൂഷയ്ക്ക് ശേഷം അഞ്ച് പേരെ ഡിസ്ചാര്‍ജ് ചെയ്തു.
ട്രക്കും ബസും നേര്‍ക്കുനേര്‍ കൂട്ടിയിടിക്കുകയായിരുന്നു. അപകടത്തില്‍ ബസിന്റെ ഒരു ഭാഗം മുഴുവന്‍ തകര്‍ന്നു. പരിക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു.
ഇതില്‍ 26 പേര്‍ ആശുപത്രിയില്‍ ചികിത്സയിലാണ്, ബാക്കിയുള്ളവരെ പ്രാഥമിക ചികിത്സയ്ക്ക് ശേഷം വിട്ടയച്ചു. ഡല്‍ഹിയില്‍ നിന്ന് ലക്‌നൗ വഴി ബഹ്‌റായിച്ചിലേക്കു യാത്രക്കാരുമായി പോവുകയായിരുന്ന ബസ്സാണ് അപകടത്തില്‍പെട്ടത്.
അതിവേഗത്തില്‍ നിയന്ത്രണം വിട്ട ട്രക്ക് എതിരെ വരികയായിരുന്ന ബസ്സില്‍ ഇടിക്കുകയായിരുന്നുവെന്നാണ് വിവരം.ഗുരുതരമായി പരിക്കേറ്റവരെ ലക്‌നൗവിലേക്കു മാറ്റിയതായി അധികൃതര്‍ അറിയിച്ചു.
