ന്യൂഡെല്ഹി: കോവിഡ് വ്യാപന സാഹചര്യത്തില് ഉത്സവകാലങ്ങളില് അതീവ ജാഗ്രത പുലര്ത്താന് സംസ്ഥാനങ്ങള്ക്ക് നിര്ദേശം നല്കി കേന്ദ്രസർക്കാര്. അടുത്ത മൂന്നു മാസം വളരെ പ്രധാനപ്പെട്ടതാണെന്നും പ്രതിദിന രോഗബാധിതരുടെ എണ്ണം വര്ധിക്കാതിരിക്കാന് എല്ലാ സംസ്ഥാനങ്ങളും ശ്രദ്ധിക്കണമെന്നും കേന്ദ്രസര്ക്കാര് മുന്നറിയിപ്പ് നല്കി.
പരിശോധനകളുടെ എണ്ണം വര്ധിപ്പിക്കാനും കേന്ദ്ര നിര്ദേശം നല്കിയിട്ടുണ്ട്. രാജ്യത്തെ സംസ്ഥാനങ്ങളില് കേരളത്തില് നിന്നാണ് നിലവില് ഏറ്റവും കൂടുതല് കോവിഡ് കേസുകള് റിപോര്ട് ചെയ്യുന്നത്. കേരളത്തില് വ്യാഴാഴ്ച 12,288 പേര്ക്കാണ് കോവിഡ് സ്ഥിരീകരിച്ചത്. 12.97 ആണ് ടിപിആര് നിരക്ക്. 141 മരണം സ്ഥിരീകരിച്ചു. 15,808 പേര് രോഗമുക്തി നേടി.