സംസ്ഥാനത്ത് ശക്തമായ മഴ
തിരുവനന്തപുരം ;സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വ്യാഴാഴ്ച്ച വരെ പത്ത് ജില്ലകളില് മുന്നറിയിപ്പ് നല്കിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം, കോഴിക്കോട് എന്നീ ജില്ലകളില് യെല്ലോ അലേര്ട്ട് പ്രഖ്യാപിച്ചു. നാളെ മുതല് വ്യാഴാഴ്ച്ച വരെ ആറ് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, ജില്ലകളില് ആണ് ഓറഞ്ച് അലേര്ട്ട്.
സംസ്ഥാനത്താകെ ഒന്പത് ദുരിദാശ്വാസ ക്യാമ്പുകള് പ്രവര്ത്തിക്കുന്നു. അതില് 114 കുടുംബങ്ങളിലെ 452 പേരെ മാറ്റിപ്പാര്പ്പിച്ചിട്ടുണ്ട്. തിരുവനന്തപുരത്ത് സ്ഥിരമായി തുടരുന്ന ആറ് ക്യാമ്പുകളില് 581 പേരുണ്ട്. എല്ലാ ജില്ലയിലും താലൂക്ക് കണ്ട്രോള് റൂമുകള് 24 മണിക്കൂറും പ്രവര്ത്തന സജ്ജമാണ്.