InternationalLatest
കസ്റ്റംസ് കരാറുകളില് ഒപ്പുവെച്ചു
മനാമ: മെച്ചപ്പെട്ട കസ്റ്റംസ് സേവനം ലഭ്യമാക്കുന്നതിനായി 15 കരാറുകളിലൊപ്പുവെച്ചതായി ബഹ്റൈന് കസ്റ്റംസ് വിഭാഗം മേധാവി ശൈഖ് അഹ്മദ് ബിന് ഹമദ് ആല് ഖലീഫ വ്യക്തമാക്കി. അന്താരാഷ്ട്ര നിലവാരവും മാനദണ്ഡവും ഉറപ്പാക്കാനും കസ്റ്റംസ് ഇടപാടുകള് സുതാര്യമാക്കുന്നതിനും ഇത് അവസരമൊരുക്കുമെന്ന് അദ്ദേഹം പറഞ്ഞു. കസ്റ്റംസ് സേവനവുമായി ബന്ധപ്പെട്ട് പ്രവര്ത്തിക്കുന്ന വിവിധ വിഭാഗങ്ങളുമായാണ് കരാറില് ഒപ്പുവെച്ചിട്ടുള്ളത്. നാഷനല് കാള് സെന്ററുമായി സഹകരിച്ച് ഇന്ഫര്മേഷന് രംഗത്ത് മികവു പുലര്ത്താന് കഴിഞ്ഞ കാലയളവില് സാധിച്ചതായി അദ്ദേഹം ചൂണ്ടിക്കാട്ടി.