ലുലുവില് ആഘോഷം
മനാമ: ഇന്ത്യയും ബഹ്റൈനും തമ്മിലെ സൗഹൃദബന്ധത്തിന്റെ 50ാം വാര്ഷികാഘോഷം ലുലു ഹൈപര് മാര്ക്കറ്റില് തുടങ്ങി. ദാന മാളില് ബുധനാഴ്ച നടന്ന വര്ണാഭമായ ചടങ്ങില് ഇന്ത്യന് അംബാസഡര് പീയൂഷ് ശ്രീവാസ്തവ ആഘോഷപരിപാടികള് ഉദ്ഘാടനം ചെയ്തു. വ്യവസായ, വാണിജ്യ, വിനോദസഞ്ചാര മന്ത്രാലയത്തിലെ കമേഴ്സ്യല് രജിസ്ട്രേഷന് & കമ്പനീസ് അണ്ടര് സെക്രട്ടറി നിബ്രാസ് മുഹമ്മദ് താലിബ്, ലുലു ഗ്രൂപ് ഡയറക്ടര് ജുസെര് രൂപവാല, എക്സ്പോര്ട്ട് ബഹ്റൈന് ആക്ടിങ് സി.ഇ.ഒ സഫ ശരീഫ് അല് ഖാലിഖ്, വ്യവസായപ്രമുഖര്, വിവിധ അസോസിയേഷനുകളുടെ പ്രതിനിധികള് എന്നിവരും ചടങ്ങില് പങ്കെടുത്തു. ഇന്ത്യയും ബഹ്റൈനും തമ്മിലുള്ള ശക്തമായ വ്യാപാരബന്ധത്തിന്റെ ഉദാഹരണമാണ് ലുലു ഗ്രൂപ് എന്ന് ഇന്ത്യന് അംബാസഡര് പീയുഷ് ശ്രീവാസ്തവ പറഞ്ഞു. ഇരുരാജ്യങ്ങളുടെയും പൈതൃകം ആഘോഷിക്കുന്നതില് ലുലു എന്നും മുന്നിലാണെന്നും അദ്ദേഹം കൂട്ടിച്ചേര്ത്തു. രണ്ട് രാജ്യങ്ങളും തമ്മില് സമ്പന്നമായ വ്യാപാര, വാണിജ്യബന്ധമാണ് നിലനില്ക്കുന്നതെന്ന് നിബ്രാസ് മുഹമ്മദ് താലിബ് പറഞ്ഞു. നൂറ്റാണ്ടുകള് പഴക്കമുള്ള സാമൂഹിക, സാമ്പത്തിക സഹകരണം ഇന്ത്യയെ ബഹ്റൈന്റെ പ്രധാനപ്പെട്ട വ്യാപാരപങ്കാളിയാക്കി മാറ്റിയെന്നും അദ്ദേഹം അഭിപ്രായപ്പെട്ടു.