![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: നിയമസഭ തെരഞ്ഞെടുപ്പ് പ്രചാരണത്തിന് 13 ഇന അജണ്ടയുമായി പഞ്ചാബ് കോണ്‍ഗ്രസ് നേതാവ് നവ്ജ്യോത് സിങ് സിദ്ധു. ഇതുമായി ബന്ധപ്പെട്ട് സിദ്ധു കോണ്‍ഗ്രസ് അധ്യക്ഷ സോണിയ ഗാന്ധിക്ക് കത്തയച്ചു. അടുത്ത വര്‍ഷമാണ് പഞ്ചാബില്‍ നിയമസഭ തെരഞ്ഞെടുപ്പ് നടക്കുന്നത്.ഒക്ടോബര്‍ 15നാണ് സിദ്ധു ഇതുമായി ബന്ധപ്പെട്ട് സോണിയക്ക് കത്തയച്ചത്. ഈ കത്ത് ഇപ്പോള്‍ സിദ്ധു തന്‍റെ ട്വിറ്റര്‍ അക്കൗണ്ടിലൂടെ പുറത്ത് വിടുകയായിരുന്നു. ലഹരിപ്രശ്നം, കാര്‍ഷിക മേഖലയിലെ പ്രശ്നങ്ങള്‍, തൊഴില്‍, മണല്‍ ഖനനം, പിന്നോക്കക്കാരുടെ പുരോഗതി എന്നിവയിലൂന്നി തെരഞ്ഞെടുപ്പിനെ നേരിടണമെന്നാണ് സിദ്ധുവിന്‍റെ ആവശ്യം.
