India
550 കേക്ക് മുറിച്ച് യുവാവിന്റെ ജന്മദിന ആഘോഷം
മുംബൈ: വിചിത്രമായ ജന്മദിനാഘോഷങ്ങൾ പലപ്പോഴും വാർത്തകളിൽ ഇടം പിടിക്കാറുണ്ട്. ജന്മദിനത്തിൽ കേക്ക് മുറിക്കുന്നത് തന്നെ ഇന്ന് ഒരു പതിവ് കാര്യമാണ്. എന്നാൽ 550 കേക്ക് മുറിച്ച് വാർത്തകളിൽ ഇടം നേടിയിരിക്കുകയാണ് ഈ യുവാവ്. മുംബൈയിലാണ് സംഭവം. സൂര്യ രാത്തൂരിയെന്ന് യുവാവാണ് വിവിധ തരത്തിലുള്ള 550 കേക്കുകൾ മുറിച്ച് അമ്പരിപ്പിച്ചത്. 2.5 മിനിറ്റ് സമയം എടുത്താണ് സൂര്യ കേക്ക് മുറിച്ചത്.
ടേബിളിൽ നിരത്തി വച്ചിരുന്ന 550 കേക്കുകളും കത്തി ഉപയോഗിച്ച് നടന്നാണ് യുവാവ് മുറിച്ചത്. ചുറ്റും ഉളളവർ മൊബൈൽ ക്യാമറയിൽ വീഡിയോ എടുക്കുകയും ചെയ്തിരുന്നു. പലരും ആശംസകൾ അറിയിക്കുകയും സന്തോഷം പ്രകടിപ്പിക്കുകയും ചെയ്തിരുന്നു.